「中鎖脂肪酸」可減肥？

郭靜君
Next Magazine
2010年03月18日

港大早前研究指出，食油即使只加熱一次，有害物質已颷升廿七倍，引人關注。市面上不少食油掛上各種健康名目促銷，原來大多有混淆視聽之嫌。

「中鎖脂肪酸」可減肥？
有日本生產商推出聲稱可「締造健康、纖麗及滋味」的食油，標榜其「中鎖脂肪酸」能預防脂肪囤積、幫助控制體重。中文大學營養研究中心首席營養師史曼媚則提醒，科學上暫未有確實證據支持其功效，長期食用更有可能弄巧反拙。「中鎖脂肪酸喺人體內的確較易氧化被燃燒，但一般只在醫院監察下俾病人用。大部分生產商做嘅研究，測試人數太少，結論冇說服力；而且中鎖脂肪酸被吸收燃燒之後，有機會喺肝臟重新合成，即是皮下脂肪雖然少咗，但內臟脂肪同血液嘅膽固醇含量卻增多，仲唔健康。」史曼媚說。貴價果油物有所值？近年有不少進口果油，如葡萄籽油及牛油果油，以健康之名貴價出售。史曼媚表示，果油比普通食油健康，主要在於其煙點較高；若用於日常炒菜煮食，則分別不大：「如果要炸嘢，果油確實會產生較少油煙同致癌物。「果油有多啲植物固醇、維他命 E等營養，不過要健康飲食，每餐應該用少於兩茶匙的油，以呢個分量，用其他植物油或果油其實對營養價值影響都不大，所以唔需要買咁貴來用。」

市面上的食油名目繁多，但若被健康標籤誤導而增加用油量，只會弄巧反拙。

史曼媚提醒，食油的煙點各異，要因應不同的煮食方法使用。

每餐用不多於兩茶匙的油煮食，才是最健康的食法。

有日本生產商推出聲稱可「締造健康、纖麗及滋味」的食油，標榜其「中鎖脂肪酸」能預防脂肪囤積、幫助控制體重。中文大學營養研究中心首席營養師史曼媚則提醒，科學上暫未有確實證據支持其功效，長期食用更有可能弄巧反拙。「中鎖脂肪酸喺人體內的確較易氧化被燃燒，但一般只在醫院監察下俾病人用。大部分生產商做嘅研究，測試人數太少，結論冇說服力；而且中鎖脂肪酸被吸收燃燒之後，有機會喺肝臟重新合成，即是皮下脂肪雖然少咗，但內臟脂肪同血液嘅膽固醇含量卻增多，仲唔健康。」史曼媚說。貴價果油物有所值？近年有不少進口果油，如葡萄籽油及牛油果油，以健康之名貴價出售。史曼媚表示，果油比普通食油健康，主要在於其煙點較高；若用於日常炒菜煮食，則分別不大：「如果要炸嘢，果油確實會產生較少油煙同致癌物。「果油有多啲植物固醇、維他命 E等營養，不過要健康飲食，每餐應該用少於兩茶匙的油，以呢個分量，用其他植物油或果油其實對營養價值影響都不大，所以唔需要買咁貴來用。」

煙點有幾緊要？
愈來愈多人關心食油的煙點，史曼媚亦指出煙點是影響食油健康的主要因素：「煙點就係油嘅沸騰點，油經加熱變成煙，就會產生致癌物質，所以不同嘅煮食方法，就應該用不同的油。例如初搾橄欖油（ Extra Virgin/ Virgin Olive Oil）煙點較低，唔應該用作煎炸，但取代沙律醬拌沙律就會健康啲。」

溝油用更健康？
市面上各款食油均打出健康口號，務求得到消費者垂青。有的標榜不含膽固醇、有益心臟健康，有的聲稱含更多抗氧化元素，更有以「最佳比例」之名的混合橄欖油及芥花籽油，讓人眼花繚亂。史曼媚指出所有植物油的營養價值相差不大，最重要是用量得宜，不要被健康標籤誤導。「科學上冇所謂『最佳比例』，唔好以為某種油比較健康就食多啲，好多食油都有降低膽固醇的功效，只係同動物油比較，食多咗會造成額外卡路里負荷，損害健康。其實從肉類同果仁當中一樣吸收到食油所含嘅營養。」

橄欖油不可亂放？
近年極受歡迎的橄欖油，儲存方面原來要特別小心。「橄欖油對光同熱特別敏感，超級市場有賣啲只用透明膠樽裝，會較容易導致氧化變質，應該選擇放喺深色玻璃樽入面嘅、或者自己換個合適嘅樽，可以保鮮耐啲。」史曼媚說。